Hvat er kynsligur ágangur?
Kynsligur ágangur er, tá ið ein vaksin setir eitt barn ella ungan í eina støðu, har talan er um kynsligt innihald, har barnið/persónurin, ikki er førur fyri at geva samtykkið ella at skilja tað, sum hendir. Tað kann verða við myndum, orðum, nerting ella samlega.
Kynsligur ágangur er framvegis ein stór avbjóðing í okkara samfelagi. Tað vísa tølini av fyrispurningum til KRIS seinastu nógvu árini. KRIS er farið í holtur við at gera eina kanning, sum skal fáa til høldar tøl í samband við kynsligan ágang í Føroyum.
Kanningin er dulnevnd og vónar KRIS, at tað kann vera við til, at vit fáa til vega álítandi tøl í samband við hesa avbjóðing.
Kanningin er ætlað øllum føroyingum, sum eru 18 ár og eldri.